Ресми өкілдердің мәлімдеуінше, аймақтың қысқа дайындығы кестеге сай. Жоғарыда атап өткеніміздей, жылу көздеріне жөндеу жұмыстарымен қатар, көмір мен мазут қоры толықтырылып жатыр екен.

Әр қаланың әзірлігі туралы Атомдық және энергетикалық қадағалау мен бақылау комитетінің аумақтық департаментінің басшысы Ернар Хасенов түсініктеме берді.

«Kazakhmys Еnergy» компаниясының бас директоры Темірлан Өтегенов Топар ГРЭС және Балқаш ЖЭО жөндеу жұмыстары туралы баяндады. Оның айтуынша, Топар мен Топар ГРЭС Абайды жылумен қамтамасыз ету үшін 5-6 қазандық қажет. Күл үйінділеріне қатысты жұмыс жалғасуда.

– №5, 11 қазандықтарды күрделі жөндеу, № 1, 2, 6 қазандықтарды ағымдағы жөндеу аяқталды. Қазіргі уақытта 9-шы қазандыққа күрделі жөндеу және 8-ші қазандыққа ағымдағы жөндеу жұмыстары жүргізілуде. № 7 турбинаны жөндеу және № 3 турбинаны жаңғырту жалғасуда. Біз жылыту маусымына 100% дайын боламыз, – деді ол. Ал, Балқаш ЖЭО-да барлық жұмыстар аяқталды. Тек № 6 турбинада 15 күннен кейін жөндеу аяқталады.

Теміртауды жылумен жабдықтау екі станцияға – ҚарГРЭС-1 және ЖЭО-2 байланысты.

ҚарГРЭС-1 туралы аймақ басшысына оның директоры Сергей Кривов баяндады.

– Қоймада 50 мың тонна көмір, 80 тонна мазут бар. Қазан айынан бастап, әлеуметтік мазут сатып алынады, – деді Сергей Кривов.

Атқарылған жұмыстар туралы ЖЭО-2 директоры Виталий Шульжик хабарлады. Мұнда № 1 қазандықты жөндеу тек 15 желтоқсанда аяқталады. № 4 турбогенератор роторына жоспардан тыс апаттық жөндеу жүргізілуде. № 7 қазандықты бастапқы толтыру жоспарлануда. Шатырдағы апаттық плиталарды ауыстыру қажет. Отын қоры бар.

Ермағанбет Бөлекпаев Теміртау әкіміне, тиісті басқармаларға ҚарГРЭС-1 және ЖЭО-2 бақылау­ға алуды тапсырды. Тұрақты мониторинг пен апта сайынғы тексерулер қажеттігін ескертті.

Қарағанды ЖЭО-1 және ЖЭО-3-те көмір қоры жеткілікті. Кестеге сай қазандықтар мен турбиналарда жөндеу жұмыстары жалғасуда.

– Үшінші жылу шығаруда жұмыс екі кезеңге бөлінді. Бірінші кезеңдегі жұмыс орындалысы 98% құрайды. Екінші кезеңдегі жұмыс – 97 %. Қысым жүргізілді, ескертулер жоқ. Жылыту маусымына дайын боламыз, – деп сендірді «Қарағанды Энергоцентр» ЖШС бас директоры Флюр Гарипов.

Шахтинск ЖЭО облыс әкімінің тұрақты бақылауында. Мұнда турбиналарды жөндеу жұмыстары жалғасуда. Бірінші қазандықта гидравликалық сынақтар аяқталды. Келесі аптада мердігер төртінші қазандықта қысым жүргізіле бастайды.

Станцияда көмір қоры да бар. Шахандағы қазандық жылу мен желілер 100 % дайын.

Өңірдің барлық қалалары мен аудандарында жылумен жаб­дықтау желілерінде гидравли­калық сынақтар жалғасуда. Анық­талған ақаулар жедел жойылады.

Ернар Хасенов заңнамадағы жаңа өзгерістер туралы да еске салды. 9 қыркүйектен бастап дайындық құжатын алмағаны үшін айыппұл 6 млн теңгені, отынның нормативтік емес қорларын сақтамағаны үшін айыппұл – 4 млн теңге көлемінде. Тікелей станция басшылығына жылыту маусымы кезеңінде техникалық пайдалану ережелерін бұзғаны үшін 2-3 млн теңге айыппұл салынады.

– Акционерлер мен станция басшылары жауапкершілікті се­зінуі керек. Әкімшілік жауапкершіліктен басқа моральдық және қылмыстық жауапкершіліктер де бар. Әркім өз жұмысына тиянақ­ты болуы шарт. Қыста қысылмауымыз керек, – деді Ермағанбет Бөлекпаев.

Қызғалдақ АСҚАРҚЫЗЫ,
Ortalyq.kz

Сообщение Қыстан қысылмас үшін появились сначала на «ORTALYQ QAZAQSTAN» газеті.

Биыл қалада 29 шақырымға жуық жылу желілері жөнделеді деп жоспарлануда. Бүгінде №1 жылу магистралі бойынша дайындық жұмыстары жүргізілген. Амангелді көшесіндегі №2 жылу магистралінде 1,8 шақырым жөнделіп, Абай көшесінде 4,6 шақырым құбыр ауыстырылады. Одан бөлек, Республика даңғылынан Амангелді көшесіне дейінгі Металлургтер даңғылындағы №3 жылу магистраліне күрделі жөндеу жұмыстары аяқталады.

– Теміртауда жылу магистральдарына күрделі жөндеу жұмыстары ойдағыдай. Бүгінде Бейбітшілік даңғылынан Абай даңғылына дейінгі учаскеде құбырларды монтаждау, блоктар орнату, бекітілген тіректерді бетонмен құю, тығыздағыш компенсаторларды монтаждау жұмыстары жүргізілуде. Сапаны бақылауды техникалық қадағалау мен қоғам белсенділері жүзеге асырады. Жобалар іске асқаннан кейін желілердегі апаттылықтың төмендеуі және қаладағы жылумен жабдықтау сапасы жақсарады деп күтілуде, – деп сендірді Ораз Тәуірбеков.

Одан бөлек, №2 жылу магистралінің учаскесін қайта жаңарту бағытында 2200 метр құбыр орнатылып, монтаждау жұмыстары жүргізілуде. Қаражат жергілікті және республикалық бюджеттен бөлінген.

Толығырақ ақпаратты «Ortalyq Qazaqstan» газетінің кезекті санынан оқи аласыздар.

Ерқанат КЕҢЕСБЕК,

Ortalyq.kz

Сообщение Теміртау әкімі жылу магистральдарына қатысты мәлімдеме жасады появились сначала на «ORTALYQ QAZAQSTAN» газеті.