Облыстық ТЖД баспасөз қызметінің мәліметінше, сейсмикалық жаттығулар барысында тұрғындар жойқын жер сілкінісі кезіндегі өзін-өзі ұстау ережелерімен танысып, қауіпсіз орындарды анықтап, зардап шеккен халықтың қабылдау пункттеріне жиналуы сияқты кейбір іс-әрекеттерді іс жүзінде пысықтайтын болады.

Аумақтық деңгейдегі құлақтандыру жүйесінің дайындығын тексеру мақсатында 23 ақпан күні сағат 10.00-де «Баршаның назарына!» барлық дыбыстық электр сиреналары іске қосылады.

– Барлық тұрғындардан тыныштық сақтап және үрейге бой алдырмауларыңызды сұраймыз. Барлық тұрғындарды осы оқу-жаттығуларға белсенді қатысуға шақырамыз, – дейді облыстық ТЖД мамандары.

Аида РАХЫМҚҰЛОВА,

Ortalyq.kz

Сообщение Аймақта сейсмикалық жаттығулар өтеді появились сначала на «ORTALYQ QAZAQSTAN» газеті.

Президент Қасым-Жомарт Тоқаевтың төрағалығымен Алматы қаласында сейсмикалық қауіпсіздікті қамтамасыз ету мәселелері жөнінде кеңес өтті. Жиынға Президент Әкімшілігі мен Қауіпсіздік Кеңесінің басшылығы, Үкімет мүшелері, қалалар мен облыстардың әкімдері, сондай-ақ аймақтардағы төтенше жағдайлар департаменттерінің жетекшілері қатысты. Мемлекет басшысы ел аумағының үштен бір бөлігінде жер сілкінісі қаупі бар екенін айтты. Сейсмологиялық станциялар соңғы 5 жылда 45 мыңнан астам дүмпу жағдайын тіркеген. Оның көбі – төмен балдық жер сілкінісі.

– Бірақ, ашығын айту керек, Алматыда болған төтенше жағдай кезінде тиісті органдар шұғыл әрекет етуге толық дайын болған жоқ. Ал қала тұрғындары не істерін білмей, абдырап қалды. Дегенмен бұл жиынның басты мақсаты – сын айту емес, нақты шешімдер қабылдау. Мысалы, жұрттың көпшілігінде «төтенше жағдайға қажетті чемодан» да жоқ болып шықты. Тиісті оқу-үйрету шаралары мектептен, тіпті балабақшадан басталуы керек. Бұрын Алматыда осындай тәжірибе болған. Соны қайта жаңғырту қажет. Себебі қазір азаматтарды төтенше жағдайға дайындау жүйесі талапқа сай емес. Құзырлы органдар халыққа жан-жақты түсіндіру жұмысын жүргізуге тиіс. Оқу орындарында, мемлекеттік мекемелерде тұрақты жаттығу өткізіп тұру қажет. Бұл – өте маңызды. Осы жұмысты дереу қолға алу керек, – деді Президент.

Сообщение Мемлекет басшысы сейсмикалық қауіпсіздік мәселелері жөнінде кеңес өткізді появились сначала на «ORTALYQ QAZAQSTAN» газеті.