Ермағанбет Бөлекпаев облыстың өнеркәсіптік әлеуеті және оның шетелдік инвесторларға ұсынатын мүмкіндіктері туралы айтып берді. Шетелдік кәсіпкерлерді тарту үшін “Сарыарқа” арнайы экономикалық аймағы құрылды. Мұнда резиденттер үшін салықтық және кедендік преференциялар қарастырылған, сондай-ақ қажетті инфрақұрылым бар.

– Біздің өңірде өндірілетін өнім әлемдік стандарттарға сәйкес келеді және Польшаны қоса алғанда әлемнің 50 еліне экспортталады. Біз халықаралық байланыстарды дамытуға үлкен мән береміз және ынтымақтастыққа мүдделіміз, – деп атап өтті Ермағанбет Бөлекпаев.

Өз кезегінде Михал Лабенда инвестициялар саласындағы екіжақты қатынастарды дамытудың маңыздылығын атап өтті. Ол Қазақстан Польшаның Орталық Азиядағы басты серіктесі екеніне тоқталды.

– Мен ынтымақтастықты нығайту мақсатында Қазақстанның бірнеше өңіріне бардым. Қарағанды облысында бізді құрылыс, машина жасау және тау-кен өнеркәсібі сияқты салалардағы инвестициялық жобалар ерекше қызықтырады. Польшада осы салалардағы операцияларды кеңейтуге мүдделі көптеген өндірістер бар. Сіздерде үлкен әлеует бар, тек логистика мәселесін шешу керек, – деді Михал Лабенда.

Облыс әкімдігінің баспасөз қызметі.

Сообщение Аймақ басшысы Польша Елшілігінің Уақытша Сенімді өкілімен кездесті появились сначала на «ORTALYQ QAZAQSTAN» газеті.

Облыс әкімі Ермағанбет Бөлекпаевпен кездесуде экономика мен мәдени-гуманитарлық саладағы ынтымақтастықты дамыту мүмкіндіктері талқыланды.

Ермағанбет Бөлекпаев өңір өнеркәсібі, инвесторлар үшін мүмкіндіктер туралы айтып берді.

– Биыл “Сарыарқа” АЭА аумағында Нидерланд капиталының – кешенді қорытпалар шығаратын зауыттың қатысуымен жобаны іске қосу жоспарлануда. Облыс аумағында экономиканың түрлі салаларында Нидерланды компанияларының 26 кәсіпорны мен өкілдігі жұмыс істейді: сауда, тау-кен және өңдеу өнеркәсібі, ауыл шаруашылығы және тағы басқа, – деп атап өтті өңір басшысы. – Жалпы облыстың сыртқы сауда айналымы алты айда 2,8 млрд АҚШ долларынан асты. Біздің кәсіпорындардың өнімдері әлемнің 50-ден астам еліне, оның ішінде Нидерланды Корольдігіне экспортталады.

Ол тек өнеркәсіпте ғана емес, білім беру мен спортта да өзара тиімді әріптестікті кеңейтуді ұсынды.

– Мен бір жыл бұрын Қазақстан Республикасындағы елші лауазымына тағайындалдым. Қазір мен аймақтар туралы көбірек білуге тырысамын, – деді Нико Схермерс. –  Сіздердің аймақтың аумағы Нидерланды Корольдігінен алты есе үлкен. Ынтымақтастықты кеңейту мүмкіндігі бар, сондықтан мен пайдалы іскерлік ақпарат алғым келеді.

Материалды әзірлеген Аида РАХЫМҚҰЛОВА

Сообщение Аймақ басшысы Нидерланды Корольдігінің елшісімен кездесті появились сначала на «ORTALYQ QAZAQSTAN» газеті.

15 ақпанда Халықаралық көші-қон ұйымы жаңа ізгі ниет елшілерінің тағайындалғанын хабарлады.

Қазақстандық музыкант, әнші және композитор, Қазақстанның халық әртісі Димаш Құдайберген Халықаралық көші-қон ұйымының аймақтық ізгі ниетті елшісі (Азиядағы аймақтық рөлі) болып тағайындалды.

Халықаралық көші-қон ұйымы – көші-қон саласындағы жетекші үкіметаралық ұйым. Ол гуманистік және тәртіпке негізделген көші-қон мигранттар мен қоғамға тек пайда әкеледі деп есептейді.

Халықаралық көші-қон ұйымы Біріккен Ұлттар Ұйымының жүйесіне 2016 жылы ассоциацияланған ұйым ретінде қосылғанын еске түсіре кетейік.

– Мен Халықаралық көші-қон ұйымының ізгі ниетті елшісі ретінде мигранттардың құқығын қорғауды мақтан тұтамын. Әрбір адамның құқы мен мүмкіндіктері үшін аспаны ашық бейбіт әлемді бірге құрайық, – деді Димаштың өзі.

Материалды әзірлеген Аида РАХЫМҚҰЛОВА

Сообщение Димаш Құдайберген БҰҰ ізгі ниетті елшісі болды появились сначала на «ORTALYQ QAZAQSTAN» газеті.