— Мұнда олар өсіп-жетіліп, қоғамда өмір сүруге бейімделіп, мектепке дайындалатын болады. Мен олардың әрқайсысы жақсы адам және Қазақстанның лайықты азаматы болып өсетініне сенімдімін, — деп атап өтті аудан әкімі Бауыржан Асанов.

Ақбастау ауылында 50 орынға арналған шағын орталық ашылып, Дубовка жалпы білім беретін мектебінде 60 орынға арналған шағын орталықты кеңейтудің арқасында осы ауылдардың балаларын мектепке дейінгі мекемелерге орналастыру мәселесі толық шешілді. Ауданда мектепке дейінгі мекемелерде орын тапшылығы мәселесін шешуге ерекше көңіл бөлініп келеді. Тек осы жылы ғана ауданда мектепке дейінгі балалар үшін 170 қосымша орын ашылды. Кейінгі жылдары бұл жұмысты мемлекеттік мекемелердің бұрынғы балабақшаларының ғимараттарын босату және мемлекеттік-жеке меншік әріптестік шеңберінде жаңа мектепке дейінгі мекемелерді ашу есебінен жалғастыру жоспарланып отыр.

Ауылдағы жас буын мен олардың ата-аналарына жарқын, жылы және жайлы бөлмелерден тұратын қос ғимарат көтеріңкі көңіл-күй сыйлады. Кішкентай әртістер қонақтарға өз таланттарын көрсетті, ал, олардың ата-аналары Тәуелсіздік күні қарсаңында сыйлаған мереке үшін шын жүректен алғыстарын айтты.

Сообщение Абай ауданында екі бірдей мектепке дейінгі орталық ашылды появились сначала на «ORTALYQ QAZAQSTAN» газеті.

“Балауса” балабақшасының ерекшелігі – кешкілік уақытта қызмет көрсетеді, сонымен қатар, демалыс және мереке күндері жұмыс істейді. Балабақша қызметкерлері баланы үйге алып кете алады. Мектепке дейінгі мекеме 100 орынға есептелген. Аталған мекеменің ашылуы 30 адамды тұрақты жұмыспен қамтып отыр.
– Жобаның құнын құраған 30 миллион теңгенің 5 миллионы – өз қаражатым, ал, қалған соманы “Даму” Қорынан несиеге алдым, – дейді “Балауса” балабақшасының құрылтайшысы Бағдат Бекежанова.
60 орынға есептелген екінші жаңа балабақшаның құны 30 миллион теңге. Бұл – құрылтайшы Әсем Орманалиеваның өз қаражаты.
– Балаларды дамыту – ел дамуының маңызды шарттарының бірі. Жарқын болашақтың кепілі жас жеткіншектерді мектепке дейінгі біліммен қамтамасыз ету мақсатында “Дәрия” балабақшасы өмірге келді, – деді Әсем Орманалиева жаңа нысанның ашылу салтанатында сөйлеген сөзінде.

Сообщение Жаңаарқада екі балабақша ашылды появились сначала на «ORTALYQ QAZAQSTAN» газеті.

Екі күн бойы С.Сейфуллин атындағы облыстық қазақ драма театрында өткен айтыста қазылар алқасы мүшелерінің айтуынша, ең мықтыны таңдау қиынға соққан. Нәтижесінде, қазылардың шешімі бойынша екі Бас жүлде табыс етілді.
Халықаралық айтыс Қарағанды облысының әкімдігі және “Nur Otan” партиясының қолдауымен ұйымдастырылды. Сәкен Сейфуллиннің мерейтойына орайластырылған аламан айтысқа көрермен ретінде қатысып, ақындарға қолдау көрсету үшін Қарағандыға “Nur Otan” партиясы Төрағасының бірінші орынбасары Бауыржан Байбек арнайы келді.
– Қарағанды халықаралық айтысты өткізу үшін кездейсоқ таңдалған жоқ, себебі Сарыарқа жерінде Сәкен Сейфуллин дүниеге келген. Бұл өнер түрі үлкен қолдауға ие. Айтыс халыққа өте жақын. Біз ақындардың өлеңдері арқылы адамдардың көңіліндегісін естігіміз келеді. Мәдени және рухани жаңғыру, дәстүрлерді сақтау – біздің саяси доктринамыздың құрамдас бір бөлігі, – деді Бауыржан Байбек.
Халықаралық айтыстың жүргізушісі Жүрсін Ерман ақындар өте өзекті мәселелерді көтеріп, Сәкен болмысының бейнесін толыққанды аша білгенін атап өтті.
Айтысқа жиналған көрерменнің көптігінен залда ине шаншар жер болмады. Олардың көбісі ақындар сайысын тамашалау үшін шалғайдағы қалалар мен ауылдардан арнайы келген. Айтыс өнері майталмандарының арасындағы қызу сөз майданын жиналған қауым бар зейінімен қадағалап отырды. Бірінші күні жеті сағатқа созылған бәсекеде 9 жұп сөз қағыстырып, олардың 7-і ақтық сайысқа өтті.
Бас жүлдені Мақсат Аханов пен Жандарбек Бұлғақов иеленіп, әрқайсысы екі миллион теңге сомасында қаржылай сыйлықты қанжығалады.
I орын мен миллион теңге сыйақыны қазылар алқасы Өміржан Көпбосынов пен Бауыржан Шермединұлына табыстады.
II орын үш ақын – Дидар Қамиев, Мұхтар Ниязов және Төлеген Жамановқа бұйырды. III орынға бес ақын – Айбек Қалиев, Бүркітқазы Әділбек, Әсем Ережекқызы, Бекарыс Шойбеков және Нұрмат Мансұр тұрақтады. Тиісінше, ақшалай жүлде 500 және 300 мың теңгені құрады.
Сәкен Сейфуллин қорының арнайы сыйлығына Жеңішбек Тоқтабеков ие болды.
Айтыстың ең жас қатысушысы Жұлдызай Маратбековаға Асанәлі Әшімов қорының арнайы сыйлығы берілді.
Сонымен қатар ынталандыру сыйлықтары тапсырылды.
Барлық айтыскерлерге, қазылар алқасының құрамы мен ұйымдастырушыларға Сәкен Сейфуллиннің туған жері – Жаңаарқа ауданынан жеткізілген шапандар сыйға тартылды. Көрнекті ақын, танымал мемлекет және қоғам қайраткерінің мерейтойына орай арнайы шығарылған естелік медальдар табыс етілді.

Сообщение Екі Бас жүлде табысталды появились сначала на «ORTALYQ QAZAQSTAN» газеті.

Бұл жағдай, әсіресе ата-анаға қатты бататыны белгілі. Тағы таныс іздеу, мал шашу. Жұмыстың орайы келсе, уыстап ақша беруден тартынбайды. Ар жағы белгілі. «Біздің қоғамда парасыз аттап баса алмайсың» деп сосын байбаламға басамыз. Бір кездері мектеп бітірген балалар сот, прокурор болуға құштар болып, заңгер немесе экономист мамандығын көбірек таңдайтын. Қазірде осы үрдіс өзгерген сияқты. Қай мамандыққа грант иеленуге болады, түлектер соған қарай ұмтылады. Бітіргенде орын бола ма, оған ешкім басын ауырта қоймайды. Оларды да түсінуге болады, әке-шешесінің тапқан-таянғанына аузын ашып, салмақ сала беруге кім құмар дейсіз?!

Жоғары сұранысқа ие индустриялдық және қызмет көрсету мамандықтары көбіне қалыс қалып жатады. Компьютерлік аппаратты қамтамасыз ету инженерлері мен инженер-электрониктер, телекоммуникация мен технология өндірісінің инженерлері сияқты бүгінгі кезде аса қажетті мамандықтарға қазақ балалары бет бұра алмай келеді. Жақында үйдегі ауа баптағыш істен шығып қалып, жөндеуші шебер шақыртқаным бар. Шілденің шіліңгір ыстығы буып тұрған кез ғой. Хабарласқан фирмалардың барлығында тапсырыс көп. Әйтеуір, бірекі күнде келетін біреуімен келіскеніме қуандым. Орыстың жап-жас екі жігіті келіп, бірер сағаттың ішінде іске қосып берді. Жөндеу ақысы да әжептәуір. Осы мамандықты «жұмыс жоқ» деп жүрген қазақ бауырлар неге меңгермейді екен ойландым. Бір жолы компьютерге адам шақырып, кәріс жігіті жөндеп бергенде де осындай күйге түскен едім.

Тағы бір түйткіл, қазіргі жастар қабілет-қарымын жете бағалай бермейді. Бір сыныпты бірге бітірген 25 бала болса, түгелдей жоғары оқу орнына жол тартады. Совет заманының өз басымыздан өткен жетпісінші жылдарын еске алайықшы. Жоғары оқуға іріктеле келе санаулы бала ғана түсетін. Қалғандары техникум, болмаса кәсіптік-техникалық училищеде оқып, өмірден лайықты орнын табатын. Ауылда қалып, өз нәсібін еңбектен іздеушілер де аз болмайтын. Бүгінде бәрі басқаша. Заман өзгерген. Бұрын қалада оқу бітірген соң жастар маман ретінде ауданға, ауылға келетін. Қазір жаппай қалада қалғысы келеді. Оның өзінде – мегаполисте. Әрине, жастардың оқып, білім алғаны жақсы. Білімді жастардың еліміздің болашағы екенінде дау жоқ. Дегенмен, «бәрі бірдей тойшы болса, кім қойшы болады?» дегенді де ойлап қою керек шығар. «Дипломмен – ауылға» бағдарламасы да жаппай сипат алды деп айта алмаймыз. Ауылда веттехник, зоотехник сияқты жоғары білімді мал мамандары жоққа тән.

Біз осы күні ата кәсіптен қол үзіп қалдық. Соның салдарынан ауыл азып барады. Көктемде фермер болып жүрген бір азамат: «айына 70 мың теңгеге қой бағатын адам таба алмай отырмын» дегені бар. Әрине, бұл соншалықты көп жалақы да емес. Алайда, өз малын қоса бағып, шаруасын дөңгелетем деген жанға қолайлы. Қалада арба сүйреп, жүк тиеп, бір күндік жұмысқа жегіліп жүргеннен тәуір емес пе?! Ауылдан қашқандардың көбісі қалада да берекелі жұмыс таппай, «ауырдың үсті, жеңілдің астымен» жүруге құмар. Мықтағаны «охранник» болып жүр. Ауыл – қазақтың кіндігі. Нәсіп болар кәсібімізді таба алмай, біз осы кіндігімізден ажырап барамыз. Ауыл-Ана жетімсіремесе екен!

Амандық РАХҰЛЫ,

Қазақстанның Құрметті журналисі.

Сообщение Кәсіп пен нәсіп появились сначала на «ORTALYQ QAZAQSTAN» газеті.

Бір күні журналист тапшы болып, алғашқы тапсырмамен жиналысқа бардым. Оқушылар арасында шағын шара өтті. Жауапты хатшының «блокнотыңа жазып отыр» дегені есімде, қойын дәптеріме жүргізушілердің сөзінен бастап, бұрқыратып жаза бердім. Үлгермей жатсам, ұялы телефонның диктофонын да қосып қоям арасында. Сөйтіп, «ақ тер, көк тер» боп шараны бітірдім. Жұмысқа келіп ақпарат жазуға кірістім. Екі беттей болды шамасы. Жауапты хатшы көлемін сұрағанда «екі бет» деп едім, талып түсе жаздады. Сөйтсем, ақпарат шағын жазылады екен және қажетті ақпараттарды ғана түртіп алу керек екен. Ал, кеп күлейік, қыран-топан күлкі… Ұялғаным-ай…

Өзімді «жорға» журналист сезініп кетсем керек шамасы… қазір де тісқаққан журналист болмасақ та, ақпарат жазуды білеміз. Газетке келмей тұрғанда да, орыс тілді журналдарға мақала жазып жүретінмін. Журналға көсілесің ғой армансыз. Соның әсері болса керек, ақпаратты екі бет қылып жазғаным, бірақ, одан ептеп арылып келемін.

Ойлап отырсам, мүйізі қарағайдай Мағауия ағам жұмысқа қабылдаған ең соңғы журналист екенмін. Мұның өзі – бір бақыт!

Жәлел ШАЛҚАР.

Сообщение Екі беттік ақпарат появились сначала на «ORTALYQ QAZAQSTAN» газеті.