Мәдениет сарайының фойесінде Балқаш жұртшылығына ақынның «Құт» кітабы таныстырылды. Қала әкімінің орынбасары Саягүл Жақсылықованың құттықтау тілегінен кейін, С.Сейфуллин атындағы орталық кітапхана ұжымы Қуаныш Мәжікенұлының шығармашалығына арналған көрмені ұсынып, ақындық және сазгерлік еңбегіне ақпараттық шолу жасады.

Әдеби-сазды кеш мәдениет сарайының үлкен залында өтті. Кеш шымылдығы ақынның шығармалары негізінде жасалған және мәдениет сарайы жанындағы мәдени-сауық орталығы өнерпаздарының қатысуымен дайындалған қойылыммен ашылды.

Кеш иесі Қуаныш Мақсұтовты қала әкімі Сапар Сатаев құттықтап, ықылас гүлін табыстады және шапан жауып, ат мінгізді. Қала әкімі сонымен бірге ақынның кешіне сонау Қордай жерінен арнайы келіп қатысқан айтыскер ақын Күмісай Сәрсембаеваға да құрмет көрсетіп, иығына шапан жапты.

Сахна төрінде балқаштықтарға иіліп сәлем беріп, қордайлықтардың ыстық ықыласын ала келген Күмісай ақын кеш иесіне арнау айтып, ақ тілегін жырмен өрді.

Қалалық ардагерлер кеңесінің ақынға деген құрметін және құттықтау тілегін мемлекеттік қызмет ардагері Мейірхан Тәтибеков пен азаматтық қорғаныс саласының ардагері Шахман Көпбаев жеткізді.

Балқаштықтардың жан дүниесіне рухани азық сыйлаған әсерлі кеште Қуаныш ақын әр жылдары жазған және терең ой толғанысынан туған өлеңдерін оқып, халықаралық фестивальдерде бас жүлделерге ие болған бардтық туындылары мен шансондарын орындады.

Қуаныш РҮСТЕМ,

Балқаш қаласы

Сообщение Ақынын құрметтеген ел бақытты появились сначала на «ORTALYQ QAZAQSTAN» газеті.

Шараны ұйымдастырған – осы мектептің қазақ тілі мен әдебиеті пәні мұғалімі, талантты ақын Қайрат Иманбек. Ол – ұстаздық пен ақындықты қатар алып жүруімен қатар, қаланың қоғамдық-мәдени өміріне белсене үлес қосып келеді.

Мектеп оқушылары мұзбалақ ақын поэзиясын жатқа оқып, өлеңдеріне жазылған әндерді нақышына келтіре орындады. Әсіресе, бірнеше қалалық, облыстық ән байқауларының жүлдегерлері – Мирас Омаров пен Аңсаған Сансызбаев орындаған «Иіскейін» әні көптің көңіліне жол тапты. Ақын өмірінен естеліктер айтылып, бейнетаспалар көрсетілді. 6-сынып оқушылары – Нұргүл Сырымбет пен Сәбина Төкен ақынның жырларын жатқа оқудан сайысты. Көпшілікті тамсандырып, ерекше әсерге бөлеген Әлихан Махмұт есімді 9-сынып оқушысы болды. Ол – Мұқағалидың өлеңдерін мақамын келістіре оқуымен қатар, болмыс-бейнесі де, дауысы да ақынға қатты ұқсады. Жұрт сүйсініп, шайырды тірі көргендей әсерге бөленді. Қайрат Иманбектің өзі ақынның өлеңіне жазылған Тұрсынғазы Рахымовтың «Сәби болғым келеді» әнін домбырамен сызылта шырқап, кешті қорытындылады.

Жәлел ШАЛҚАР

Сообщение Қазақ поэзиясының Хан Тәңірі появились сначала на «ORTALYQ QAZAQSTAN» газеті.