Елдімекендердің жерлері – 3 миллион 264 мың гектар. Өнеркәсіп, көлік, байланыс, ғарыш қызметі, қорғаныс, ұлттық қауіпсіздік және басқа да ауыл шаруашылығына арналмаған жерлер – 141 мың гектар. Ерекше қорғалатын табиғи аумақтардың жерлері, сауықтыру, рекреациялық және тарихи-мәдени мақсаттағы жерлер – 403 мың гектар. Орман қорының жерлері – 113 мың гектар. Су қорының жерлері – 40 мың гектарды құрады.

Облыста босалқы жер қорынан және пайдаланудан тыс қалған жерлерді ауыл шаруашылығы айналымына тарту жұмыстары жылда жүргізіледі.

Былтыр ауыл шаруашылығы өндірісін дамыту үшін аудан әкімдіктерімен ауыл шаруашылығы айналымына босалқы жерлерден конкурстар арқылы және басқа да жолдармен жылдық жоспардағы 409,5 мың гектардың орнына нақты 527,6 мың гектар ауыл шаруашылығы жерлері тартылған, оның ішінде, 8,5 мың гектар – егістік, 509,7 мың гектар – жайылым, 2,9 мың гектар – шабындық. Айналымға тартудың жылдық жоспары 128,8 пайыз­ға орындалды.

Бұл тұрғыда Абай, Ақтоғай, Нұра, Шет аудандарының әкімдіктері ауыл шаруашылығы айналымына тартумен белсенді айналысты, яғни, бұл аудандар бойынша онда жоспардың орындалуы тиісінше 132, 202, 123, 154 пайыз­ды құрады.

Жер қатынастары басқармасы жер қойнауын пайдалану мақсатында 4493 гектар жер беру туралы 44 қаулының жобасын дайындады. Республикалық бюджетке аударуға жататын ауыл шаруашылығы шығындарының сомасы 75 833 586 теңгені құрайды. Қорғаныс мұқтажы үшін жер учаскелерін беру бойынша 3 қаулы жобасы дайындалды. Жер асты суларын өндіру үшін жер учаскелерін беру бойынша 2 қаулы жобасы дайындалды.

Облыстың жергілікті атқарушы органының жер қойнауын пайдалану жөніндегі операциялардың салдарын жою және тексеру нәтижелерін қабылдау жөніндегі комиссияны құру бойынша 112 ұсынысы мен шешімдерінің жобасы әзірленді, олардың негізінде жергілікті жерге 112 іссапар жүзеге асырылды.

Былтыр 658 мемлекеттік қызмет көрсетілді, қызметтер уақытылы, ескертусіз көрсетілді.

Өткен жылы шағын және орта бизнесті дамыту мақсатында 127 аукцион өткізілді, онда ауданы 90 гектар 198 жер учаскесі сатылды. Аталған учаскелерден бюджетке түсетін түсімдер сомасы 385 796 мың теңгені құрады.

Жеке тұрғын үй құрылысы үшін берілген жер учаскелерін пайдалану ерекше бақылауда. Облыс бойынша жеке тұрғын үй құрылысы үшін азаматтарға есепті жылы 180 учаске берілді. Бүгінгі таңда облыс бойынша жеке тұрғын үй салу үшін жер учаскесіне кезекте тұрған адамдар саны 53 мыңнан асты. Осы орайда, азаматтарға өздерінің кезектілігін жария кадастрлық картада (https://map.gov4c.kz/egkn/) көруге болатындығын жеткіземіз.

Бұдан басқа, басқарма есепті жыл ішінде жерді игеру, жерді ұтымды пайдалану, ұтымсыз пайдаланып жатқан жерлерді қайтару, жайылымдық жерлер және тағы басқа да мәселелер бойынша облыстың барлық аудандарында екі мәртеден халықпен кездесулер өткізді.

2023 жылы облыста елді мекендерді жайылымдық жерлермен қамтамасыз ету жұмыстары жалғасты. Халықты жайылымдық жермен қамтамасыз ету мәселесін шешу мақсатында 404 мың гектар аумақта бірлесіп пайдалану туралы меморандумдар жасалды. Абай ауданында – 19,6 мың гектар, Ақтоғай ауданында – 23 мың гектар, Бұқар жырау ауданында – 5,6 мың гектар, Қарқаралы ауданында – 141,3 мың гектар, Нұра ауданында – 169 мың гектар, Осакаров ауданында – 17,3 мың гектар, Шет ауданында – 16,7 мың гектар, Приозерск қаласында – 6,2 мың гектар, Теміртау қаласында – 0,8 мың гектар, Шахтинск қаласында – 4,5 мың гектар.

243,5 мың гектар аумақта жайылымдарды басқару және оларды пайдалану жоспары негізінде және басқа да жолдармен шалғайдағы жайылымдар ұйымдастырылды. Абай ауданында – 55,1 мың гектар, Бұқар жырау ауданында – 3,5 мың гектар, Қарқаралы ауданында – 182,9 мың гектар, Осакаров ауданында – 2 мың гектар алаң бар.

Халыққа мал басын жаюы үшін 327,6 мың гектар жер ауылдық округ әкімдеріне уақытша өтеусіз пайдалануға берілді. Абай ауданында – 9 мың гектар, Ақтоғай ауданында – 70,9 мың гектар, Бұқар жырау ауданында – 10 мың гектар, Нұра ауданында – 141,1 мың гектар, Шет ауданында – 96,6 мың гектар.

2 мың гектарға елдімекендердің шекарасын кеңейту бойынша жұмыстар жүргізілді. Абай ауданында 1 мың гектарға, Осакаров ауданында 400 гектарға, Балқаш қаласында 800 гектарға.

Сонымен қатар, жер қатынастарын реттеу тек жер учаскелерін берумен шектелмейді. Жерді тиімді және ұтымды пайдалану мақсатында жер пайдаланушылар мен жер учаскелерінің меншік иелері қолданыстағы жер заңнамасының барлық нормаларын сақтауы қажет.

Былтыр Бұқар жырау және Осакаров аудандарында шалғайдағы жайылымдарды инфрақұрылыммен қамтамасыз етудің «Жайлау» пилоттық жобасы іске асырылды. Бұл пилоттық жоба суландыру құрылыстарын (ұңғымалар, құбырлы және шахталық құдықтар, қазандар), мал айдау трассаларын, мал тоқтайтын және суаратын алаңдарды, албарлар, ауыл шаруашылығы жануарларын айдап-бөліп жаюға арналған қашаларды, ауыл шаруашылығы жануарларын ветеринариялық өңдеуге арналған жармаларды, электр және жылу энергиясымен қамтамасыз етуге арналған құрылыстар мен объектілерді орнатуды қамтиды, сумен жабдықтау объектілерімен, персоналдың маусымдық тұруына арналған құрылыстармен қамтамасыз етіледі. Жобалардың жалпы құны 126 миллион 800 мың теңгені құрады.

Мемлекет басшысының тапсырмасын орындау мақсатында былтыр облыс бойынша мемлекет меншігіне 542,9 мың гектар пайдаланылмайтын ауыл шаруашылығы мақсатындағы жерлер (15,5 мың гектар – егістік, 508,4 мың гектар – жайылым) қайтарылды. Оның 286,8 мың гектары ерікті негізде, 170 мың гектары жер пайдалану мерзімінің аяқталуына байланысты, 74,1 мың гектар сот шешімі бойынша, 12 мың гектар басқа да жолдармен қайтарылды.

Облыс бойынша 2024 жылға арналған пайдаланылмайтын жерлерді қайтару жоспары 165 мың гектарды құрайды.

Былтыр 5 сәуірде Мемлекет басшысы «Жер қатынастары саласындағы мемлекеттік көрсетілетін қызметтерді цифрландыру мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Қазақстан Рес­публикасының № 221-VII ҚРЗ Заңына қол қойды. Осы Заң арқылы, кенттерді, ауылдарды, ауылдық округтерді қоспағанда, елді мекендер аумағында мемлекеттік қызметті қарау мерзімін 30 күнге дейін оңтайландыра отырып, жер учаскесіне құқықтарды электрондық форматта берудің жаңа тәртібі ұсынылды.

Жаңа тәртіпті іске асыру мақсатында жер, құқықтық, табиғи және өзге де кадастрлардағы мәліметтерді қамтитын жылжымайтын мүліктің бірыңғай мемлекеттік кадастрының ақпараттық жүйесі (Жария кадастрлық картасында) әзірленді. Осы жүйе арқылы қолданыстағы процестердің ашықтығына қол жеткізуге, қайталануды болдырмауға, жылжымайтын мүлік пен жер учаскелерін ресімдеуге байланысты бизнес-процестерді оңтайландыруға мүмкіндік ашылды.

Нұрлан ЛАМБЕКОВ,
облыстық жер қатынастары басқармасының басшысы.

Сообщение Жерді ұтымды пайдалану қажет появились сначала на «ORTALYQ QAZAQSTAN» газеті.

Қазіргі уақытта облыстың әлеуметтік-мәдени инфрақұрылымына 572 мемлекеттік мәдениет және архив ұйымдары кіреді. Сала қызметі тұрақты шығармашылық ізденіске, инновациялық жобаларды, жаңа технологияларды енгізу бойынша жүйелі жұмысқа, стандартты емес нысандар мен әдістерді іздеуге бағытталған. Бұл оң өзгерістерге, міндеттерді шешуге, жоспарларды жүзеге асыруға мүмкіндік береді.

Қарағанды облысында 4 театр және 1 концерттік ұйым жұмыс істейді. Бүгінгі таңда театрлардың репертуарында 243 спектакль. Репертуарды жаңарту үшін жыл сайын облыстық бюджеттен жаңа театр қойылымдарына қаржы бөлінеді. Есепті кезеңде театрлар 19 жаңа қойылым қойды. Театр-ойын-сауық ұйымдары 2000-нан астам спектакльдер мен концерттерді көрсетті.

Сондай-ақ, республикалық және халықаралық фестивальдерге қатысып жүр. Олар Испания, Түркия, Жапония, Оңтүстік Корея, Литва, Ресей сияқты мемлекеттерде өз өнерлерін көрсетті.

2023 жылы мәдениет пен өнердегі шығармашылық жетістіктерге толы болды. Атап айтқанда, Алматыда өткен Нұрғиса Тілендиев атындағы республикалық байқауда Қали Байжанов атындағы концерттік бірлестіктің жас дирижері Әбілқайыр Сағымбаев үздік дирижер атағын алды, Оңтүстік Кореяның Чонан қаласында өткен Fidaf-2023 фестивалінде Қали Байжанов атындағы Қарағанды концерттік бірлестігінің «Аққу» және «Арқа сазы» ұжымдары байқауда жеңіске жетіп, құрметті екінші орын, Республикалық театрлар фестивалінде балалар мен жасөспірімдерге арналған Теміртау театры бірінші орынды және «Үздік актриса» номинациясын Наталья Снегирева жеңіп алды.

Арқаға алғаш рет «Алтын домбыра» келді. Мақсат Ақанов ел абыройын ас­қақ­татты. Ақын Жанат Жаңқашұлы «Айбоз» ұлттық әдеби сыйлығын алды.

С.Сейфуллин атындағы академиялық қазақ драма театры биыл көптеген марапаттарға ие болды. Мәселен, Талдықорған қаласындағы «Biken» Халықаралық театр фестивалінде «Үздік режиссура» номинациясында Айдын Салбанов үздік деп танылды. Арнайы «Шолпанның ізбасары» сыйлығын актриса Анель Сағындықова иеленді.

Петропавл қаласында өткен Қазақстан драма театрларының республикалық фестивалінде Сәкен театры «Үздік сценографиялық шешім» номинациясын еншіледі. Оман Сұлтандығының Маскат қаласында өткен IV Халықаралық «Аладдин» фестивалінде «Үздік костюм» аталымы бойынша марапатқа ие болды.

Испанияның Коста-Брава қаласында өткен халықаралық орындаушылар байқауында Қарағанды музыкалық комедия театрының солист-вокалисті Елена Федорова «Академиялық вокал» номинациясында I орын алды.

Астана қаласында өткен «Рухани қазына-2023» республикалық фестиваліне 200-ге жуық музей, кітапхана және мәдени-ойын-сауық орталықтарының қызметкерлері қатысты. Байқау қорытындысы бойынша «Ауылдық маңызы бар үздік музей» номинациясы бойынша Долинка кентіндегі Саяси қуғын-сүргін құрбандарын еске алу музейі 1 млн. теңге көлемінде қаржылай жүлде алды. «Мәдени-демалыс ұйымдарының үздік көркемдік жетекшісі-2023» номинациясында Теміртау қалалық мәдениет сарайы директорының шығармашылық жөніндегі орынбасары Лариса Браун 300 мың теңге ақшалай сертификатын иеленді.

Бұқар жырау Қалқаманұлының 355 жылдығына арналған «Армысың, әз Наурыз!» республикалық ақындар айтысы өтті. Оған Қызылорда, Жамбыл қалаларынан 12 ақын қатысты.

Балқаш қаласында алғаш рет екі күн ішінде «Балқаш Tourfest – 2023» ауқымды фестивалі ұйымдастырылды. Мерекеге Қарағанды, Екібастұз, Астана қалаларынан вокалисттер, музыкалық топтар мен хореографиялық ансамбльдер жиналды.

С.Сейфуллин атындағы академиялық қазақ драма театрында Қалибек Қуанышбаевтың 130 жылдығына арналған «Сын – шын болсын» республикалық фестивалі дүркіреді. Фестивальге Қазақстанның 10 театры келді.

Сонымен қатар, Шет ауданының Талды алқабында тарихи-археологиялық паркінің «Талды – әлемдік өркениеттің қиылысында» халықаралық археологиялық-этнографиялық фестивалі өтті. Фестиваль аясында отандық және шетелдік археологтардың, тарихшылар мен өлкетанушылардың қатысуымен ғылыми конференциялар, қола балқыту, дәстүрлі киім жасау, қыш жасау және т.б. бағыттар бойынша шеберлік сыныптары, экскурсиялар мен көрмелер ұйымдастырылды.

Алғаш рет ХІІ Халықаралық оперетта фестивалі және «DosStar» мюзиклі аясында бір күнде «Летучая мышь» опереттасындағы (Иоганн Штраус) басты партияларды төрт елдің солистері орындады. Сондай-ақ, фестивальге Әзірбайжан мен Франциядан келген оперетта және мюзикл әртістері қатысты.

Ірі концерттік ұйымдардың бірі Қали Байжанов атындағы концерттік бірлестік 85 жылдығын атап өтті. Сондай-ақ, Абай атындағы облыстық балалар кітапханасының 70 жылдығын мерекелеу аясында шаралар атқарылды.

Үш облыстық театрға гастрольдік турларға ыңғайлы автобустардың кілті табыс­талды.

Кейінгі 2 жыл ішінде 70-ке тарта мәдениет саласының қызметкері, атап айтқанда, әртістер, әншілеріміз, дыбыс және сахна қызметкерлері армандаған пәтерлердің кілтін алды. Бұл үрдіс жалғасын табады.

Осы жылдың қыркүйек айынан бастап, барлық облыстық деңгейдегі мәдениет мекемелері қызметкерлерінің еңбек ақысына 30% ынталандыру үстемақысы облыстық бюджеттен қосылады. 2024 жылы 2 мың 360 адамға 1 млрд. 48 млн. 175 мың теңге қарастырылды.

Қарағанды облысында 15 мемлекеттік архив жұмыс істейді. Онда 5779 қор сақталады, бұл 2 млн. 347 мыңнан астам сақтау бірлігін құрайды. 2023 жылы облыстың мемлекеттік архивіне 20,5 мыңнан астам іс қабылданды.

Архив саласында да мақтануға тұрарлық жетістіктер бар. «Қарағанды облысының мемлекеттік архиві» КММ архившілер тобы V Республикалық «Жас архившілер» байқауына қатысып, 1 000 000 млн. теңге көлемінде бас жүлдені жеңіп алды.

2024 жылы Қарағанды қаласының 90 жылдығы, Қарқаралы ауданының 200 жылдығы, Н.Гоголь атындағы Қарағанды облыс­тық әмбебап ғылыми кітапханасының 90 жылдығы атап өтіледі.

Жыл сайынғы іс-шараларға «Қош келдің, әз Наурыз!» театрландырылған қойылымы, мәдениет және өнер қызметкерлеріне облыс әкімінің сыйлығы, Ұлттық домбыра күні, «Музыкалық Сарыарқа» халықаралық фестивалі, «ДосStar» оперетта және мюзикл фестивалі, Республикалық театр фестивалі кіреді.

Еркебұлан ЖҰМАКЕНОВ,
облыстық мәдениет, архивтер және құжаттама басқармасының басшысы

Сообщение Мәдениетті қоғам мәртебемізді асырады появились сначала на «ORTALYQ QAZAQSTAN» газеті.

Басқарма басшысының мәліметінше, алдағы уақытта қара металлургияда – 5%-ға, машина жасауда – 4%-ға, түсті металлургияда – 2,5%-ға және құрылыс индустриясындағы өнім көлемі – 2%-ға артпақ.

– Былтырғы жылдың қорытындысы бойынша негізгі капиталға 12,2%-ға өсіммен 854,3 млрд. теңге инвестиция тартылды. Оның ішінде жеке инвестициялардың көлемі 734 млрд. теңге. Оның 120,2 млрд. тенгесі – бюджет қоры. Жаңа өндірісті іске қосуға келетін болсақ, былтыр 138 млрд. теңгеге 11 жоба іске асырылып, 2 мыңнан астам жаңа жұмыс орны құрылды. Атап айтсақ, «Сарыарқа» арнайы экономикалық аймағында, РТБ өнеркәсіптік алаңында, Балқаш пен Саран қаласында және Абай, Нұра, Осакаров пен Қарқаралыда іске қосылған бірнеше жоба бар, – деді Дарын Бейбітұлы

Мәселен, Осакаров ауданында жоғары сапалы әк шығаратын зауыт іске қосылды. Осы зауыт үшін 30 млрд. теңгеден астам инвестиция тартылып, 100-ден астам жұмыс орны ашылған. Жаңа зауыт қара және түсті металлургия мен шыны өнеркәсібіндегі отандық кәсіпорындардың сұранысын өтейтін болады. Сондай-ақ зауыт өнімдерін жылу электр станцияларының түтін мен газдарын тазарту үшін пайдалану жоспарлануда. Ал, бұл ауа мен қоршаған ортаның ластану мәселелерін шешеді.

– Өңірдегі серпінді жобалардың бірі – Нұра ауданындағы арнайы кокс өндіретін зауыт. Жылдық қуаттылығы – 400 мың тонна. Сонымен қатар, жыл сайын Шұбаркөл көмірінен 70 мың тоннадан астам көмір шайыры мен мұнай өндірілетін болады. Жаңа кәсіпорын өндіріс қауіпсіздігі мен қоршаған ортаны қорғауды қамтамасыз ететін технологиялық шешімдерді ұсынады. Технологияда пайдаланылатын барлық су ресурстары мен ластанған ағынды сулар тазартылып, сумен жабдықтау жүйесіне жіберіледі, – деді басқарма басшысы.

Аида РАХЫМҚҰЛОВА,
Ortalyq.kz

Сообщение Өңірдегі өнеркәсіп өнімдерінің көлемі артып келеді появились сначала на «ORTALYQ QAZAQSTAN» газеті.