Фёдоров су қоймасында алабұға, мөңке және тұқы тұрақты мекендейді, сондай-ақ торта, сазан мен шортан да кездеседі. Су қоймасы резервтік мәртебеге ие болғандықтан, мұнда өнеркәсіптік балық аулауға тыйым салынған, алайда әуесқойлық негіздегі балық аулауға рұқсат етілген.

Суды оттегімен қанықтыру үшін мамандар мұзды бұрғылау арқылы арнайы ойықтар жасап, аэрациялық қондырғылар орнатып, су сапасына тұрақты мониторинг жүргізеді. 

Қыс мезгілінде су айдындарындағы мұздың қалыңдығы бір метрге дейін жететіндіктен, әрбір 100 шаршы метр аумаққа орта есеппен 20–30 ойықтан жасалады. Ойықтардың саны артқан сайын балық ресурстарын сақтап қалу мүмкіндігі де соғұрлым жоғарылай түседі.

– Қысқы кезеңдегі негізгі міндет – балықтың қырылуына жол бермеу. Бөгде иістерден таза, мөлдір су су айдынының қолайлы экологиялық жағдайын айқындайтын басты көрсеткіштердің бірі. Осындай тұншығуға қарсы жұмыстар облыстың өзге де су нысандарында жүйелі түрде жүргізіліп келеді, – деді Қарағанды орман және жануарлар дүниесін қорғау шаруашылығы жедел тобының жетекшісі Батыр Қорықбаев.

Мамандар әсіресе ағысы жоқ учаскелерге ерекше назар аударып отыр. Қатты аяз кезінде мұндай аймақтарда судың толықтай қатып қалу қаупі жоғары. 

Сонымен қатар ойықтарға қамыс орнату тәжірибесі кеңінен қолданылуда. Бұл тәсіл ауа алмасуын жақсартып, су айдынындағы газдардың сыртқа шығуына мүмкіндік береді.

Нұра-Сарысу облысаралық бассейндік балық шаруашылығы инспекциясының бас маманы Абай Әлжановтың айтуынша, қамыс ойықтардың толық қатып қалуына жол бермей, оттегінің суға үздіксіз түсуін қамтамасыз етеді. Қолданыстағы нормативтерге сәйкес, суда оттегінің мөлшері бір литрге шаққанда кемінде 9 миллиграмм болуы тиіс. Бұл көрсеткіш су жануарларының тіршілік етуіне тікелей әсер етеді.

Жергілікті балықшылар да өңірдегі су айдындарында балық қорының жеткілікті екенін растайды. Қарағанды қаласының тұрғыны Бабек Махмудов демалыс күндері Фёдоров су қоймасына жиі келетінін айтып, көбіне 3–4 килограмм көлемінде балық аулап қайтатынын жеткізді.

Жалпы Қарағанды облысында жергілікті маңызы бар 179 су айдыны және республикалық маңызы бар екі су қоймасы бар. Олардың 104-і табиғат пайдаланушылардың қарамағында, бұл нысандарда тұншығуға қарсы іс-шаралар өз қаражаты есебінен жүргізіледі.

Аида РАХЫМҚҰЛОВА
Ortalyq.kz

Сообщение Фёдоров су қоймасында балықты тұншығудан сақтау шаралары жүргізілуде появились сначала на «ORTALYQ QAZAQSTAN» газеті.

Инспекция одан бөлек, заңсыз қолданылатын 11 балық аулау құралын, ситетикалық монофиламенттен жасалған желілер, 2 жүзу құралын, 2 көлік, 849 келі балық тәркілеген.

– Балық шаруашылығы комитетінің бұйрығына сәйкес, балық және басқа да су жануарларының биоалуандығын түрлендіру, сонымен қатар балықтардың уылдырық шашу, балық ресурстарының табиғи өсімін ұлғайту үшін биыл 15 сәуірден 30 маусымға дейін уылдырық шашу және табиғатты қорғау акциялары өтті. Уәкілетті органның бұйрығына сәйкес, 30 сәуірден 30 мамырға дейін бекітілген балық шаруашылығы учаскелері торта, табан, алабұға, мөңке, шортан балықтарын барлық су айдындарында аулауға тыйым салды. Соған сәйкес, қайық, өзге де балық аулуа құралдарын қолдануға да шектеу қойылған болатын. Бекітілген шектеулерді бұзғандар Әкімшілік құқықбұзушылық кодексінің 383-бабына сәйкес, балық аулау және балық ресурстарын және басқа да су жануарларын қорғау ерекшеліктерін бұзғаны үшін әкімшілік жауапкершілікке тартылатындығы жөнінде ескертілді, – дейді «Нұра-Сарысу» облысаралық бассейіндік балық шаруашылығы инспекциясы басшысының орынбасары Бекзат Мақажанов.

Жалпы, биыл Қарағанды және Ұлытау облысының су қоймаларынан 207 иесіз тор, 10 ілмекті құрал алынып, 61,05 тонна қатты тұрмыстық қалдықтар шығарылғанын айту керек.

Аида РАХЫМҚҰЛОВА,
Ortalyq.kz

Сообщение Қарағанды облысында тыйым салу мен айыппұл балық аулауға кедергі болмай тұр появились сначала на «ORTALYQ QAZAQSTAN» газеті.