Қарағанды облысының әкімі Ермағанбет Бөлекпаев азаматтарды жеке қабылдап, өңір тұрғындарының өзекті мәселелерін тыңдады. Қабылдау барысында денсаулық сақтау, тұрғын үймен қамту, коммуналдық қызметтердің сапасы және жұмысқа орналасу тақырыптары қозғалды. Бұл туралы облыс әкімдігінің баспасөз қызметі мәлімдеді.

Жеке қабылдауға облыстың әртүрлі аумақтарынан келген тұрғындар қатысты. Нұра ауданының өкілдері шаруашылық жүргізу мен жайылымдық жерлерге қатысты жер учаскелерін алу кезінде туындаған түйткілдерді жеткізді. Облыс әкімі аудандық әкімдікке және салалық басқармаға жағдайды жан-жақты зерделеп, заңнама талаптарына сәйкес нақты шешім әзірлеуді тапсырды.

Пришахтинск кентінің тұрғыны коммуналдық саладағы мәселелерді көтерді. Сондай-ақ қабылдауға келген азаматтардың бірі жұмысқа орналасуға жәрдем көрсету жөнінде өтініш білдірді. 

Ермағанбет Бөлекпаев әкімдіктің жекеменшік ұйымдардың қызметіне араласпайтынын атап өтіп, жұмыс іздеушілерге бос жұмыс орындары шоғырланған Мансап орталығына жүгінуді ұсынды.

Қабылдау барысында медициналық көмек көрсетуге қатысты өтініштер де жеке қаралды. Осы бағыттағы өтініштерді тиісті қызметтер тексеріп, қажеттілік туындаған жағдайда оқиға орнына шығу тапсырылды.

Тұрғын үй мәселелері бойынша облыс әкімі кезек тізімін қалыптастыру «Отбасы банк» құзыретінде екенін, ал сатып алынған тұрғын үйлерді бөлу бекітілген тізімдерге сәйкес жүзеге асырылатынын түсіндірді.

Қабылдау қорытындысында барлық өтініштер назарға алынды. Қосымша пысықтауды қажет ететін мәселелер жеке бақылауға алынды.

Жеке қабылдауға облыстық басқармалар басшылары, мемлекеттік органдардың өкілдері, сондай-ақ қала және аудан әкімдері қатысты.

Сообщение Облыс әкімі тұрғындарды жеке мәселелері бойынша қабылдады появились сначала на «ORTALYQ QAZAQSTAN» газеті.

Фёдоров су қоймасында алабұға, мөңке және тұқы тұрақты мекендейді, сондай-ақ торта, сазан мен шортан да кездеседі. Су қоймасы резервтік мәртебеге ие болғандықтан, мұнда өнеркәсіптік балық аулауға тыйым салынған, алайда әуесқойлық негіздегі балық аулауға рұқсат етілген.

Суды оттегімен қанықтыру үшін мамандар мұзды бұрғылау арқылы арнайы ойықтар жасап, аэрациялық қондырғылар орнатып, су сапасына тұрақты мониторинг жүргізеді. 

Қыс мезгілінде су айдындарындағы мұздың қалыңдығы бір метрге дейін жететіндіктен, әрбір 100 шаршы метр аумаққа орта есеппен 20–30 ойықтан жасалады. Ойықтардың саны артқан сайын балық ресурстарын сақтап қалу мүмкіндігі де соғұрлым жоғарылай түседі.

– Қысқы кезеңдегі негізгі міндет – балықтың қырылуына жол бермеу. Бөгде иістерден таза, мөлдір су су айдынының қолайлы экологиялық жағдайын айқындайтын басты көрсеткіштердің бірі. Осындай тұншығуға қарсы жұмыстар облыстың өзге де су нысандарында жүйелі түрде жүргізіліп келеді, – деді Қарағанды орман және жануарлар дүниесін қорғау шаруашылығы жедел тобының жетекшісі Батыр Қорықбаев.

Мамандар әсіресе ағысы жоқ учаскелерге ерекше назар аударып отыр. Қатты аяз кезінде мұндай аймақтарда судың толықтай қатып қалу қаупі жоғары. 

Сонымен қатар ойықтарға қамыс орнату тәжірибесі кеңінен қолданылуда. Бұл тәсіл ауа алмасуын жақсартып, су айдынындағы газдардың сыртқа шығуына мүмкіндік береді.

Нұра-Сарысу облысаралық бассейндік балық шаруашылығы инспекциясының бас маманы Абай Әлжановтың айтуынша, қамыс ойықтардың толық қатып қалуына жол бермей, оттегінің суға үздіксіз түсуін қамтамасыз етеді. Қолданыстағы нормативтерге сәйкес, суда оттегінің мөлшері бір литрге шаққанда кемінде 9 миллиграмм болуы тиіс. Бұл көрсеткіш су жануарларының тіршілік етуіне тікелей әсер етеді.

Жергілікті балықшылар да өңірдегі су айдындарында балық қорының жеткілікті екенін растайды. Қарағанды қаласының тұрғыны Бабек Махмудов демалыс күндері Фёдоров су қоймасына жиі келетінін айтып, көбіне 3–4 килограмм көлемінде балық аулап қайтатынын жеткізді.

Жалпы Қарағанды облысында жергілікті маңызы бар 179 су айдыны және республикалық маңызы бар екі су қоймасы бар. Олардың 104-і табиғат пайдаланушылардың қарамағында, бұл нысандарда тұншығуға қарсы іс-шаралар өз қаражаты есебінен жүргізіледі.

Аида РАХЫМҚҰЛОВА
Ortalyq.kz

Сообщение Фёдоров су қоймасында балықты тұншығудан сақтау шаралары жүргізілуде появились сначала на «ORTALYQ QAZAQSTAN» газеті.

Бұл жоба бойынша Қарағандыда, сондай-ақ Бұқар Жырау және Шет аудандарында тағы алты мектеп салынуда.

– Оқу орындарына жұмыс дәптерлері, екі тілді басылымдар, арнайы кітаптар, сондай-ақ Цифрлық сауаттылық, шет тілдері, Еңбек және бейнелеу өнері бойынша электрондық ресурстар жеткізілді. Мектептерге қажетті ресурстарды жеткізуді аяқтау 25 тамызға жоспарланған, – деді Қарағанды облысы білім басқармасы басшысының міндетін атқаруы Мейіржан Сыздықов.

Жаңа оқу жылында өңірде 52 колледж жұмыс істейді. Мемлекеттік тапсырыс 9300 орынды құрайды. Оның 60% техникалық мамандықтарға — металлургия, машина жасау, IT, құрылыс, көлік жәнек тағы басқа мамандықтарға бағытталған. 

Аяулым СОВЕТ

Сообщение Қарағандыда жаңа төрт мектеп ашылады появились сначала на «ORTALYQ QAZAQSTAN» газеті.

Биыл дәнді дақылдар жиналатын жалпы алқап 914,7 мың гектарды құрады. Оның 779,2 мың гектарын бидай алып жатыр. Егісті әртараптандыру аясында майлы және мал азықтық дақылдардың көлемі артты. Майлы дақылдар 78,1 мың гектардан жиналады. Бұл өткен жылғы көрсеткіштен екі еседен аса жоғары. Картоп 14,7 мың гектардан, көкөніс 2,06 мың гектардан жиналмақ. Алдын ала есеп бойынша, гектарына орташа 9,8 центнер өнім алынса, жалпы астық түсімі 896,2 мың тонна көлемінде болады деп күтілуде.

Ауыл шаруашылығы басқармасы басшысының орынбасары Сырым Бошпановтың айтуынша, өңірде астық пен көкөніс сақтауға жеткілікті қойма қоры, сондай-ақ аграршыларға арналған арзандатылған дизель отынының қоры бар.

–Басты мақсат — егін ору науқанын оңтайлы мерзімде әрі өнім сапасын барынша сақтай отырып өткізу. Бұл үшін облыста барлық қажетті ресурс бар. Егін ору жұмыстарына 2 мыңға жуық астық жинайтын комбайн және 380-нен астам картоп жинайтын арнайы техника жұмылдырылады. Дизель отыны белгіленген кестеге сәйкес жеткізілуде. Көктемгі егіс және егін жинау жұмыстарына мемлекеттік бағдарламалар арқылы 248 ауыл шаруашылығы тауарын өндірушіге 14,1 млрд теңге қаржы бөлінді. Қазіргі уақытта жаңа өнімді қабылдауға арналған материалдық-техникалық база дайындық үстінде. Сонымен қатар, қыстық мал азығын дайындау жалғасып жатыр. Жылдық қажеттілік — 1,9 млн тонна шөп, бүгінгі күні оның 1,35 млн тоннасы жиналды, – дейді Сырым Бошпанов.

Биыл агроөнеркәсіп кешенінде инвестициялық жобаларды іске асыру жалғасуда. Жыл соңына дейін 34 нысан пайдалануға беріліп, 365 жаңа жұмыс орны ашылады.

Аяулым СОВЕТ

Сообщение Қарағандылық шаруалар егін ору науқанына дайын появились сначала на «ORTALYQ QAZAQSTAN» газеті.

«Балалық шағым бақытты ең»

Жылқы ізі қалған жолдар

«Тау шапағымен тербелген тіршілік»

Ауыл. Іңір.

Суреттерді түсірген Сұлтан Сәбит

Ақтоғай ауданы

Сообщение Жайлауда (фоторепортаж) появились сначала на «ORTALYQ QAZAQSTAN» газеті.

20 жылдан астам уақыт бойы Суретшілер одағының мүшесі Төлеген Әбілқасовтың облыстың 70 жылдығын мерекелеуге әзірлеген эмблемасы (логотипі) пайдаланылды. 70 санын алып тастап, бұл логотип барлық жиналыстар мен салтанатты іс-шараларда пайдаланыла бастады. Енді оны жаңартатын уақыт келді.

Жобаға қойылатын негізгі талаптар:

– қоғамдық келісім мен бірлікті нығайту қағидаттарын ескеру;

– геральдикалық стандарттарға сәйкес келуі;

– Қарағанды облысының ұлттық дәстүрлерін, тарихи, мәдени, табиғи және әлеуметтік-экономикалық ерекшеліктерін көрсету;

– бұрын пайдаланылмаған бірегей жұмыс болуы;

– айқын көрнекі құрамдас бөлігі (көлемді кескін, модель) болуы;

– жазуда тек қазақ тілін пайдалану;

– авторлық құқықтарды бұзбау және плагиатқа жол бермеу.

– ұлттық-этнографиялық элементтерді (ою-өрнектерді) пайдалануға жол беріледі:

– мемлекеттік ту мен елтаңба бейнелерін, сондай-ақ діни, рулық және асыл тұқымдық белгілерді пайдалануға тыйым салынады.

Қатысуға тек Қазақстан азаматтары ғана жіберіледі. Ұжымдық жұмыстар болуы мүмкін. Жобаны бірнеше жеке тұлға жасаған жағдайда, олардың барлығы оның авторлары болып есептеледі.

Өңірлік рәміздер жобасын әзірлеу қағидалары ҚР Мәдениет және ақпарат министрінің 2024 жылғы 30 қазандағы № 503-НҚ бұйрығымен бекітілген.

Конкурсқа қатысуға өтінішті қағаз және электронды форматта қазақ және орыс тілдерінде Қарағанды облысының ішкі саясат басқармасына мына мекен-жай бойынша тапсыру қажет: Қарағанды қ., Әлиханов к-сі, 13, № 408 кабинет. Электрондық көшірмелерді e.ospanova@karaganda-region.gov.kz, n.zhunisov@karaganda-region.gov.kz жіберу қажет.

Өтінім үлгісін мына жерден жүктеуге болады.

Тапсыру мерзімі – 2025 жылғы 12 маусымға дейін.

Барлық жобалар мемлекеттік рәміздер жөніндегі облыстық комиссия мүшелерімен талаптарға сәйкестігі тұрғысынан қаралады. Содан кейін жұртшылықтың талқылауына ұсынылды. Ең көп дауыс жинаған жоба ҚР Мәдениет және ақпарат министрлігі жанындағы сараптамалық кеңестің қарауына жіберіледі. Оң қорытынды алған жағдайда эмблема облыстық мәслихаттың бекітуіне шығарылады.

Анықтама үшін байланыс: (8-7212) 50-44-31, 8-700-589-89-28 (Ноян Жүнісов); (8-7212) 50-45-09, 8-775-655-36-09 (Эльвира Оспанова).

Байқау өтеусіз негізде өткізіледі: жеңімпаз ақшалай сыйақы алмайды, бірақ оның жұмысы өңірдің танымалдығына үлес қосады.

Материалды әзірлеген Аида РАХЫМҚҰЛОВА

Сообщение Облыстың жаңа логотипін әзірлеуге байқау жарияланды появились сначала на «ORTALYQ QAZAQSTAN» газеті.

Кездесуде Ербол Мырзабосынов министрліктің биылғы жұмыстары, туризм, спорт және ойын бизнесі саласында жүргізіліп жатқан реформалар туралы айтып, алдағы жоспарлар туралы баяндады.

Елімізде спорт және дене шынықтырумен жүйелі түрде шұғылданатын азаматтардың саны 8,4 миллионға жетті. Бұл ел халқының 41,4%-ын құрайды. Ауылдық жерлерде 3,1 миллион адам спортпен айналысады. Ал Қарағанды облысында бұл көрсеткіш 38,9%-ға, яғни 442 мың адамға тең. Оның ішінде балалар мен жасөспірімдердің саны 79 мыңнан асады.

Модульдік үлгідегі жылдам салынатын спорт нысандарын салу арқылы жергілікті жерлерде, соның ішінде ауылдарда спорт инфрақұрылымын кеңейту жалғасуда. Өңірде Бұқар жырау ауданының Қарақұдық, Абай ауданының Топар және Ақтоғай ауданының Сарышаған кенттерінде дене шынықтыру-сауықтыру кешендері пайдалануға берілсе, жасанды жабыны бар 49 спорт алаңы және 11 көпфункционалды хоккей мұзайдыны салынды.

– Қарағанды – елімізге әлемдік деңгейдегі чемпиондарды сыйлаған облыс. Бұл өңірден Геннадий Головкин, Серік Сәпиев, Василий Жиров, Эльмира Сыздықова сынды даңқты спортшылар шыққан. Облыс спортшылары Олимпия ойындарында 2 алтын, 1 күміс, 3 қола медаль жеңіп алған. Алайда, кейінгі екі Олимпиадада өңір спортшылары жүлдесіз қалды. Бұл спорт резервін даярлау жүйесінде олқылықтардың барын көрсетті. Бұған дейін Қарағанды спортшылары Бейжіңде – 16, Риода – 10, Токиода – 6 жолдама жеңіп алса, биылғы Париж Олимпиадасына небәрі 3 лицензия иеленді. Бұл аймақтағы спорт жүйесін қайта қарастыру қажеттігін көрсетеді. Өздеріңіз білесіздер, қазір басқару вертикалін қалпына келтіру мақсатында өңірлік спорт басқармаларының басшылары министрлік жанынан құрылған комиссияның келісімімен бекітіледі. Комиссия Қарағанды облысының дене шынықтыру және спорт басқармасы басшылығына Олимпиада чемпионы, жерлестеріңіз Серік Сәпиевтің кандидатурасына келісім берді. Оның тәжірибесі мен білімі аймақтағы спорт резервін нығайтуға, жүйелі реформаларды жүзеге асыруға және Қарағанды спортының даңқты дәстүрін қайта жаңғыртуға мүмкіндік береді деген сенімдемін, – деді Ербол Мырзабосынов.

Министр еліміздің барлық өңірінде спорт нысандарының ауқымды түгендеу жұмыстары жүргізілгенін атап өтті. Түгендеу қорытындысы бойынша Қарағанды облысында 1859 нысанның 10 пайызы немесе 186 объектінің қажетті параметрлерге сәйкес емес екені анықталды. Жүргізілген жұмыстың нәтижесінде спорттық инфрақұрылымға аса мұқтаж өңірлердің, атап айтқанда ауылдық жерлердің тізбесі айқындалды.

Өңір тұрғындарымен кездесуде Ербол Мырзабосынов еліміздің бірегей табиғаты мен бай мәдени мұрасы бар екенін, туристік мүмкіндіктерін толық пайдалану керектігіне ерекше тоқталды.

Жалпы, облыста туризмді дамытуда Балқаш курорттық өңірі мен Қарқаралы ауданы ерекше маңызға ие. 2024 жылдың алғашқы 9 айындағы мәліметтерге сәйкес, өңірде саланың негізгі көрсеткіштерінде қалыпты өсім байқалады. Былтырғы 9 айда Қарағанды облысында 306,3 мың адамға, оның ішінде 16 мың шетелдік қонаққа қызмет көрсетілді. Туристерге көрсетілген қызметтер көлемі 42%-ға артқан. 2024 жылы өңірде 13 жеке жоба іске қосылды.

– Маусым айында Мемлекет басшысы туризм саласын дамытуға арналған үлкен жиналыс өткізгенін білесіздер. Осыған орай, тапсырмалардың сапалы әрі уақытылы орындалуы ерекше бақылауда болуға тиіс. Қазіргі таңда Балқаш қаласының қалалық жағалауын абаттандыру бойынша жұмыстар жүргізілуде. Бұл өңірге келетін туристердің бос уақытын тиімді өткізуге, қаланың орталығын тамашалауға зор мүмкіндік береді. Сонымен қатар қала маңындағы туризмге, атап айтқанда Абай ауданындағы Шерубай-Нұра (Топар) су қоймасының жағалауын дамытуға ерекше көңіл бөлінеді. Балқаш қаласы әуежайының перроны мен жермен жүру жолдарын қайта жаңарту жұмыстары басталды, – деп атап өтті Туризм және спорт министрі.

Сондай-ақ министр заңсыз ойын бизнесі және лудоманиямен күрес бойынша атқарылып жатқан шараларға да тоқталып өтті.

Биыл 31 мамырда заңсыз ойын бизнесі мен лудоманияға қарсы іс-қимыл жөніндегі 2024-2026 жылдарға арналған кешенді жоспар бекітілді. Ойын автоматтары мен лотерея терминалдарын әкелуді лицензиялау, заңсыз құмар ойындардың жарнамасын шектеу шаралары, лудомандар мен олардың жақындарына онлайн-қолдау көрсету енгізіледі. Құмар ойындарға және бәс тігуге үнемі қатысатын азаматтардың санын 350 мыңнан 200 мың адамға дейін азайту жоспарлануда.

Министр есеп беру кездесуінен кейін азаматтарды жеке қабылдап, олардың сұрақтарына жауап беріп, мәселелері мен ұсыныстарын тыңдады.

Аида РАХЫМҚҰЛОВА,

Ortalyq.kz

Сообщение Жұмыс сапарымен өңірге Туризм және спорт министрі келді появились сначала на «ORTALYQ QAZAQSTAN» газеті.

Қарағанды облысы прокуратурасының мәліметінше қылмыстық топ құрамында халыққа қызмет көрсету орталықтарының, медициналық мекемелердің қызметкерлері болған.

– Аталған заңсыз көші-қонды ұйымдастыру фактісі облыстық прокуратураның Қылмыстық іздестіру басқармасында тіркеліп, сотқа дейінгі тергеп-тексеру үшін Ұлттық қауіпсіздік комитетінің тергеу басқармасына жолданды. Қазіргі уақытта үш айыпталушының ісі сотқа жіберілді. Қылмыстық-процестік кодекстің 201- бабына сәйкес, тергеу мүддесіне қатысты қалған мәліметтер жария етуге жатпайды,- делінген Қарағанды облысының прокуратурасы таратқан ақпаратта.

Ілияс ДҮНГЕНБАЙҰЛЫ.

Сообщение Қарағандыда заңсыз көші-қонды ұйымдастырумен айналысқан қылмыстық топтың жолы кесілді появились сначала на «ORTALYQ QAZAQSTAN» газеті.

Жұмыс сапары аясында премьер-министрдің орынбасары Қанат Бозымбаев облыс әкімі Ермағанбет Бөлекпаевпен, ТЖ министрі Шыңғыс Арыновпен және өңірдің ТЖД бастығы Марғұлан Аманбаевпен бірге өңірдің су тасқыны қауіпті учаскелерін ұшақпен әуеден барлау жұмыстарын жүргізді. Бұқар жырау, Шет және Абай аудандарының елді мекендері, Нұра және Шерубай-Нұра өзендерінің арналары, Самарқанд және Шерубай-Нұра су қоймалары тексерілді.

Жұмыс сапары Мемлекет басшысының су тасқыны қаупі бар кезеңге дайындық жұмыстарын үйлестіру бойынша берген тапсырмаларының орындалуын бақылау мақсатында ұйымдастырылды.

Облыста 150 елдімекен ерекше бақылауға алынды. Сонымен қатар, 140-қа жуық автомобиль және теміржол учаскелері назарда. Өңірде 217 су шаруашылығы құрылыстары бар. Өңір бойынша жағдай тұрақты, өзендер қысқы режимде, судың деңгейі төмен және судың аз болуы байқалады.

Вице-премьерге өңірде су тасқынына дайындық жұмыстары алдын ала басталғаны хабарланды.

ТЖД мәліметінше, облыстық инженерлік жұмыстар жоспары аясында 180-ге жуық іс-шара орындалды. 65 км қорғаныс бөгеттері мен біліктері салынды және бекітілді, өзен арналарының 18 км-ден астам су тасқыны қауіпті учаскелеріне санация жүргізілді, 26 км дренаж және су бұру жүйелері тазартылды. Автомобиль жолдарының 75 учаскесінде су өткізу қабілеті ұлғайды. ЖЖМ, инертті материал және қаптар қоры қамтамасыз етілген.

Елді мекендерден миллион текше метрден астам қар шығарылды, жұмыстар жалғасуда. Сондай-ақ, су бұру орларын жасау, каналдар мен арықтарды, су өткізу құбырларын тазарту жұмыстары жүргізілуде.

Вице-премьер өткен жылы 60 үйді су басқан Шет ауданында су тасқынына қарсы іс-шараларды жүргізуге назар аударды. Ұшу кезінде Ақсу ауылына қону болды. Бұл жерде ұзындығы 2,3 км болатын қорғаныс білігі тұрғызылды. Аудан әкімі Мұхит Мұхтаров жүргізілген жұмыстар туралы баяндады: қорғаныс біліктері бекітілген, қосымша су өткізу құбырлары салынып, су өткізу құрылыстары тазартылды.

– Қазгидрометтің болжамынша, көктемде ауа-райының күрт жылынуы күтілуде. Біз ТЖ министрімен бірге су тасқыны қаупі бар аймақтарды айналып ұшып өтуді бастаймыз. Бүгін Қарағанды облысынан бастадық. Су тасқынына ұшыраған барлық аумақты айналып өтіп, бірқатар елді мекендерді араладық. Бұқар жырау және Қарқаралы аудандарында қар деңгейі нормадан жоғары. Шет ауданына келсек, қар нормадан төмен, ылғал қоры да қалыпты деңгейде. Топырақтың қатуы өткен жылмен салыстырғанда төмен. Біз үлкен жұмыс атқарылғанына көз жеткіздік. Бірақ дайын болу керек: болжам бойынша алда әлі қалың қар жауады және күн жылынады, – деді қорытындылады Қанат Бозымбаев.

Вице-премьер барлық күштерді, техниканы әзірлікке келтіру керектігін атап өтті. Жағдайды күн сайын қадағалап отыру қажет.

Материалды әзірлеген Аида РАХЫМҚҰЛОВА

Сообщение Вице-премьер Қанат Бозымбаев облыстың су тасқынына дайындығын тексерді появились сначала на «ORTALYQ QAZAQSTAN» газеті.

Өткен жылы ауылдық елді мекендерде сумен жабдықтау бойынша 33 жоба іске асырылды. Оның ішінде 98,7 км су құбыры желілері салынды және қайта жаңартылды. 29 ауылда суды тазартудың кешенді блок-модульдері орнатылды. Жыл қорытындысы бойынша ауыл халқының ауыз суға қол жеткізуінің 97,9% көрсеткішіне қол жеткізілді.

Ағымдағы жылы ауылдық елді мекендерде сумен жабдықтау бойынша 7 жобаны іске асыру және 41 ауылда суды тазартудың кешенді блок-модульдерін орнату жоспарланған. 2025 жылдың соңына дейін ауыл тұрғындарын сапалы ауыз сумен 100% қамту жоспарлануда.

Қалаларда сумен жабдықтау желілерінің ұзындығы – 2 513,37 км, тозуы 65,6%. Сумен жабдықтау қызметтеріне қол жетімділік 99,4% құрайды.

2024 жылы 9 жоба іске асырылды, онда 85 км желі салынды және қайта жаңартылды. Жыл қорытындысы бойынша сумен жабдықтау қызметтеріне қолжетімділік 99,4% – ға дейін ұлғайтылды.

Ағымдағы жылы 7 жобаны іске асыру жоспарланған, онда сумен жабдықтау қызметтеріне қолжетімділік 100% – ға дейін ұлғайтылады.

Т.Т.ДОСАЕВ,

«Қарағанды облысының энергетика және тұрғын үй-коммуналдық

шаруашылық басқармасы» ММ басшысы

Сообщение Жыл соңына дейін ауыл тұрғындары 100% ауыз сумен қамтылады появились сначала на «ORTALYQ QAZAQSTAN» газеті.