Архивы академия - «ORTALYQ QAZAQSTAN» газеті

Ұлытау облысында еліміздегі ең ірі шахмат академиясы ашылды

Redactor8 — Mon, 03 Feb 2025 06:19:29 +0000

Жезқазғанда «Қазақмыс Корпорациясы» ЖШС қолдауымен әйгілі шахматшы, әлемнің бес дүркін чемпионы Жансая Әбдумәліктің шахмат академиясының жаңа филиалы ашылды.

Суреттер Ұлытау облысының әкімдігі

Ашылу салтанатына ҚР Туризм және спорт министрі Ербол Мырзабосынов, Ұлытау облысының әкімі Дастан Рысбеков, “Қазақмыс корпорациясы” ЖШС басқарма төрағасы Нұрахмет Нуриев, Халықаралық шахмат федерациясы (ФИДЕ) президентінің кеңесшісі Берік Балғабаев қатысты.

Бұл филиал еліміздегі ең үлкен шахмат академияларының бірі. Ғимараттың жалпы ауданы 900 шаршы метр. Мұнда облыстың 5-18 жас аралығындағы 1000-ға жуық жас шахматшы білім алады.

– Ұлт ұясы – Ұлытауда сіздермен қауышқаныма қуаныштымын. Барлығыңызды академияның ашылуымен шын жүректен құттықтаймын. Мемлекет басшысы спорт саласына ерекше көңіл бөлуде. Нәтижесінде спортшыларымыз әлемдік додаларда әрқашан биіктен көрініп келеді. Шахматта біздің спортшылар әлемдік додаларда өте жоғары нәтиже көрсетіп жүр. Елімізде 8 мыңнан астам шахмат үйірмелері жұмыс істейді. 270 мыңнан астам бала шахматпен айналысады. Жансаяның өзі халықаралық гроссмейстер. Әлемдік аренада топ жарып, өзінің спорттағы жолынан бөлек, балаларды спортқа баулып, оларға жол ашып жатыр. Келешекте осындай академиялардан әлемдік додаларды бағындыратын спортшылардың өсіп шығатынына сенімдімін, – деді Туризм және спорт министрі Ербол Мырзабосынов.

900 шаршы метр аумақты қамтитын жаңа филиалда оқушылар үшін барлық қажетті жағдайлар жасалған. Заманауи жабдықтармен қамтамасыз етілген оқу орталығы болашақ чемпиондарға сапалы білім алуға мүмкіндік береді.

Материалды әзірлеген Аида РАХЫМҚҰЛОВА

Сообщение Ұлытау облысында еліміздегі ең ірі шахмат академиясы ашылды появились сначала на «ORTALYQ QAZAQSTAN» газеті.

Елімізде «Атлетико Мадрид» футбол академиясы ашылады

Redactor8 — Tue, 11 Jun 2024 12:27:03 +0000

Мемлекет басшысы «Атлетико Мадрид» футбол клубының президенті Энрике Сересо Торресті қабылдады. Президентке елімізде «Атлетико Мадрид» футбол академиясын ашу жобасы таныстырылды.

Суреттер: Ақорда

Қасым-Жомарт Тоқаев испаниялық клубтың футбол әлеміндегі беделі зор екенін атап өтіп, Қазақстанда спорттың осы түрін дамытуға және тәжірибе алмасуға қызығушылық танытқаны үшін Энрике Сересо Торреске алғыс білдірді.

– Мемлекет басшысының айтуынша, Қазақстанда футболды дамытуға айрықша назар аударылады. Қазір еліміздегі спорт мектептерінде, футбол секцияларында 40 мыңға жуық бала жаттығады. Сондай-ақ инфрақұрылым жақсартылып, жаңа стадиондар салынуда, – деді Энрике Сересо.

Қасым-Жомарт Тоқаев футболды дамытуға бағытталған бұл бастамаға мемлекет жан-жақты қолдау көрсетуге дайын екенін айтты.

Энрике Сересо Торрес «Атлетико Мадрид» футбол академиясы әлемнің көптеген елінде ашылғанын жеткізді.

Академияда дарынды футболшыларды тәрбиелеумен қатар, оларды әлемдік футбол лигаларына шығару үшін үздік тәжірибелерді енгізуге, жаттықтырушылар мен тәлімгерлердің біліктілігін арттыруға мән беріледі.

«Атлетико Мадрид» футбол академиясы Алматы облысы, Талғар қаласындағы «Akbulak» олимпиада орталығының базасында құрылмақ. Кездесу соңында Энрике Сересо Торрес Қасым-Жомарт Тоқаевқа «Атлетико Мадрид» ойыншыларының қолтаңбасы қойылған жейде сыйлады.

Материалды әзірлеген Аида РАХЫМҚҰЛОВА

Сообщение Елімізде «Атлетико Мадрид» футбол академиясы ашылады появились сначала на «ORTALYQ QAZAQSTAN» газеті.

Айбынды жастар академияда бас қосты

Redactor8 — Fri, 12 Apr 2024 05:53:46 +0000

Б. Бейсенов атындағы Қарағанды академиясында Қарағанды қаласының 90 жылдығына арналған «Ғылым апталығы» өтуде. Форум аясында «Заң ғылымының қазіргі даму үрдістері» атты халықаралық ғылыми-практикалық конференция жоспарланған. Форумға облыс әкімінің орынбасары Ерлан Құсайын қатысты.

– Бүгін қазақ ғылымының атасы, ұлтымыздың аяулы перзенті – Қаныш Имантайұлының туған күні. Мемлекеттің ертеңі үшін аянбай еңбек еткен аяулы тұлғаның мерейтойы сүйікті Қарағандымыздың 90 жылдығымен қатар келіп отыр. Мерейлі мерекелермен баршаңызды құттықтаймын. Қарағанды академиясы құқықтық білім беруде отандық жоғары оқу орындары арасында үлкен дәрежеге ие. Құрметті курсанттар, жетістікке жету жолында жеңімпаздар қатарында болыңыздар. Отанға адал болып, ұлтқа қалтқысыз қызмет қылыңыздар, – деді Ерлан Бейсембайұлы.

Форумға Қазақстан және ТМД елдерінің ЖОО студенттері, мемлекеттік органдар өкілдері, жастар қатысты.
Сөз алған академия басшысы Санжар Әділов Ғылым күніне арналған шарада бірқатар академия қызметкерлеріне Алғыс хат табыстады.

Аяулым СОВЕТ,

ortalyq.kz

Сообщение Айбынды жастар академияда бас қосты появились сначала на «ORTALYQ QAZAQSTAN» газеті.