Шудағы пойыз апатынан жарақат алғандарға күрделі операция қажет
Қазір 12 жастағы Алексей Мальневтің отбасы баланың мәйітін Қарағандыға алып кетті. Жерлеу рәсімі Қушоқы ауылында болады.Ал оқиға орнында жарақат алған жолаушылардың кейбіріне күрделі операция қажет. Оны дәрігерлердің өзі растап отыр.Әліби Байжанов: «Аяғым сынған терезеге кіріп кетіпті. Вагон ішінде тұрсам да аяғыммен щебенді басып тұрмын. Балалар бар, шаң, түк көрінбейді. 20 шақты бала бар. 10-11 жас шамасындағылар. Бір бала жүріп кеткен сияқты».
Нұрбол Жолдасов, Шу аудандық ауруханасы бас дәрігерінің орынбасары: «Ота жасап, сынған сүйектерін жинап, пластина арқылы сүйектерін бір-біріне жалғаймыз. Қазір ол кісі дайындық үстінде, зерттеулер жүргізілуде. Шокқа қарсы терапия жасалуда».
Жарақат алған тағы 20 шақты адам Алматының төрт бірдей ауруханасына жатқызылды.