Шетелдік БАҚ Қазақстан туралы не дейді?

«Қазақстан дамудың аймақтағы басқа мемлекеттер үшін үлгі бола алатын жаңа моделін жасап, дұрыс жол таңдады.

Қазақстан басшылығы егеменді мемлекет құру кезінде батыстық оң тәжірибемен қатар, азиялық мәдениет пен ділдің ерекшеліктері мен дәстүрлерін де ескерді. Әсіресе, мұның анархия мен қоғамдық және экономикалық процестер мен сыйыспайтын демократия мәселелеріне қатысы бар. («Женьминь жибао» Қытай. 2005 ж).

«Қазақстан бұрынғы кеңестік республикалар ішінде бірінші болып қажетті экономикалық реформаларды жүзеге асырудың тыңғылықты жағынан алдыңғы қатарда тұр. Бұл көбіне-көп қазақ Президентінің шешімділігі мен көрегендігінің арқасында жасалған батыл қадам болды» («TravelMAG» Ұлыбритания. 2004 жыл, маусым).

«1991 жылы әлем Қазақстанға назар аудармаған. Бүгінде Н.Назарбаевтың басшылығымен Қазақстан халықаралық қауымдастықтың құрметті мүшесі болып отыр. Президент Назарбаев өзінің халқы бетпе-бет келген проблемалар мен қиындықтарды айқын аңғарады.

Тәжірибелі көшбасшы ретінде ол өз халқына, аймағына және әлемге пайдалы шешімдерді таба біледі.

Президент Назарбаев Орталық Азиядағы аймақтың экономикалық интеграциясын таңдады, өйткені, аймақтың интеграция аймақтық прогреске, экономикалық, әскери және саяси тәуелсіздікке алып келеді. Бұл – құрметке ие болуыдң, қауіпсіздікті нығайтудың, әрі лаңкестікпен және эсктремизммен тиімді түрде күресудің, Орталық Азияда тұратын барлық халықтардың мүддесін қорғаудың бірден-бір жолы» (Пәкістан «The Voice», 2009 жыл).

«Президент Нұрсұлтан Назарбаев, БҰҰ-ның штаб-пәтерін, Нью-Йорктен Азияға аудару қажеттігі туралы батыл ұсыныс жасады.Ұйымның штаб-пәтері 1952 жылдан бері Нью-Йоркте орналасып келеді, енді оны ғаламның өзге жарты шарына ауыстыратын уақыт та келген шығар? Бәлкім, Азия, Африка және Латын Америкасының аймақтық интеграциясын ұлғайту үшін, Назарбаев біз ойланатындай кең ауқымды мәселелердің бірін көтеріп отырған болар» ( «ТелесУр» интернет басылымы. 2016 жыл)

Қызғалдақ АЙТЖАНОВА

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.