Шағын да болса кәсібің – өз нәсібің

             Күні кеше ғана Елбасымыз әлеуметтің әлеуетін арттыруға бағытталған тағы бір бағдарламаны ұсынды. «Президенттің бес әлеуметтік бастамасы» аталатын үндеу түрлі бес саланы қамтыған. Соның бірі – шағын несие беруді көбейту.

Өткен жылы 32 миллиард теңгеге 7200 шағын несие беріліпті. Биылғы жылы Президент бұл соманы ұлғайтуды тапсырды. Бұл дегеніміз шағын несие алып, өз ісін бастайтын қазақстандықтардың саны артады деген сөз. Оның ішінде, үндеуде ауылдық елді мекендердегі кәсіпкерлікті дамытуға айрықша назар аударып, басымдық берілген. Ауыл адамдары кәсібін дөңгелетіп, қосымша табыс тауып жатса ауыл өміріне серпін беріп, тынысы ашылады деп ойлаймын.
Кәсіпкерлердің өз ісімен еш кедергісіз еркін айналысып, аяқтарынан тік тұрып кеткені өздеріне де, мемлекетке де пайдалы. Сондықтан да, Мемлекет басшысы халық арасында жаппай кәсіпкерлікті дамыту үшін жеңілдетілген шағын несие беруді бұдан да тиімді шарттармен беруді тапсырып отыр.

Сәулет РЫМБЕКОВ,
Жаңаарқа ауданы кәсіпкерлер
палатасының директоры.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.