Құрметті облыс тұрғындары!
Ертең бүкіл еліміз бойынша төл тарихымыздың қасіретті жылдарынан ой қорытатын сәт. Міне, осымен жиырмасыншы рет Қазақстанда Саяси қуғын-сүргін құрбандарын еске алу күні аталып өтіледі.
Біздің елімізге миллиондаған адамдар жер аударылды. Нәтижесінде, бұл күні әрбір қазақстандық отбасының тағдырын қуғын-сүргіннен немесе жер аударылудан бөлек алып қарауға болмайды.
Тоталитарлық режим, тек, жеке тағдырларға ғана балта шаппай, тұтастай халықтар зардап шекті. Жазықсыз жазалау көптеген қазақ зиялыларын – ақиқаттың алдында өлімге бас тіккен жандардың көзін жойды.
Қазақстан Республикасының Президенті Нұрсұлтан Әбішұлы Назарбаев «АЛЖИР» мұражай-мемориалдық кешенінің ашылуында: «Қасіретті жылдары 1 миллион 500 мың адам жер аударылып келді. Уақыттың сұрапыл сәттеріне бас имеген қазақ халқы сол адамдарды жылы қарсы алды. Соның нәтижесінде, тоталитаризмнің қанды қырғынына төтеп бере алды» деген болатын.
Тәуелсіздік жылдары қазақстандықтардың осы зұлмат жылдардан үлкен сабақ алғандығын көрсетті. Біз жазықсыз сотталғандардың, өз халқына деген сүйіспеншілігі үшін зардап шеккендердің, туған жерінен қудаланғандардың рухына бас иеміз.
Бүгінгі Қазақстан – бұл ашық, демократиялық және азаматтары бейбіт күнгі еңбегінің жемісін көрген құқықтық мемлекет. Біздің ортақ мүддеміз – ата-бабаларымыздың бірнеше буыны аңсаған гүлденуші және әділ қоғам құру.
Қасіретті жылдардың қайталанбауы үшін, біз жас буынды толеранттылыққа, өзгені сыйлай білуге тәрбиелеуіміз қажет.
Баршамызға бейбіт аспан тілейміз, қадірлі жерлестер!
Ерлан ҚОШАНОВ,
Қарағанды облысының әкімі.
Рысқали ӘБДІКЕРОВ,
Қарағанды облыстық мәслихатының хатшысы.