Президент Қарағандыға келді
ҚР Президенті Нұрсұлтан Назарбаев жұмыс сапарымен Қарағанды облысына келді, – деп хабарлайды Ortalyq.kz тілшісі.
Қарағандыға іс сапармен келген Елбасы алдымен Қазақмыс-МАКЕR (бұрынғы құю зауыты) зауытына ат басын тіреді. Аталған жер кен орындары техникаларының қосалқы жабдықтарын әзірлейтін бірден бір орын.
Елбасыны зауыт тынысымен облыс әкімі Ерлан Қошанов пен “Қазақмыс Холдин” ЖШС Директор кеңесінің төрағасы Эдуард Огай таныстырды.
Зауыт тынысы мен одан шығатын қосалқы жабдықтармен егжей-тегжейлі танысқан Елбасы жұмысшы топпен танысып, аз-кем сұхбаттасып, естелік суретке түсті. Әсіресе зауытта қызмет етуші студент жастарға баса мән беріп, разылығын да білдірді.
Сапар барысында Елбасымыз өңірдегі әлеуметтік және мәдени нысандарды аралап, Қарағанды облысының даму қарқыны мәселелері бойынша кеңес өткізеді.
