Қарағандыда Астана күніне арналған «Саған, Астана!» веложарысы өтті

«Жас мемлекеттің өзге азаматтары сияқты Қарағанды облысының тұрғындары да елорданы мақтан тұтады. Бүгін біз әдеттегідей Астана күнінің құрметіне «Саған, Астана!» веложарысын бастау үшін мемлекеттік символдар алаңына жиналдық. Веложарыс Тәуелсіздік стелласында мәреге жетеді», — деді Қарағанды облысының әкімі Нұрмұхамбет Әбдібеков мерекелік шаралардың ашылу салтанатында.

Өңір басшысы Қарағанды облысының Астананың құрылысына қосқан үлесін атап өтті.

«Астана жыл сайын, ай сайын, күн сайын өзгеріп, өркендеп келеді. Бүгін Қазақстанның астанасы — қазіргі заманғы саяси, экономикалық және әлеуметтік-мәдени мәселелер бойынша түрлі кездесулер өтетін еуразиялық кеңістіктің орталығы, — деп атап өтті Н. Әбдібеков.

Алаңда Астана Әнұраны орындалды. Жиылғандарды ҚР Парламенті Сенатының депутаты Сергей Ершов, Астана құрдасы — Назарбаев Университетінің студенті Алина Самал құттықтады.

«Саған, Астана!» веложарысын жазғы Олимпиада ойындарының қола жүлдегері Дмитрий Карпов ашты. Оған жүздеген адам қатысты. Ұйымдастырушылардың ақпаратына қарағанда, қатысушылардың ең жасы 9, ең үлкені 65 жаста.

12 шақырымдық трассаны өзгелермен бірге облыс әкімі Н. Әбдібеков бағындырды.

Аймақ басшысының сөзіне қарағанда, соңғы кездері ол кешке велосипедпен серуендеуге әуес.

Веложарыс қатысушыларына сертификаттар табысталды.

296a3e654742d73c75fbb47215d80928 95a639629a9da451e03cf34bbbaa3622 3212d811c8afbb47d5003da41d0a4ba4 a7c683f81fe3e5f3975436409f762a39 c49ea4b3f4d168f5e13c51f1bd2b4aee 8ce13bfc40589111ad83c9608493b828 6be2dfa3999e3036659ebbc18347c65f f970ece3b1a318c2044eace755b98e31 edc8fef08f08a97878e87a0604c7ff6f dfc04ceff60b6104d3465779af80a57d

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.