Қарағандыда қайта өңделеді
Қазақстанда ескі автокөліктерді қайта өңдеу бағдарламасы қорытындыланды. Өндірушілердің (импорттаушылардың) кеңейтілген міндеттемелері операторының мәліметінше, 1 жылдан астам мерзім аралығында ел тұрғындары шамамен 50 мыңға жуық темір тұлпарды қайта өңдеуге өткізген.
Қаржылай өтемақы төлеуді көздейтін бағдарлама бойынша тұрғындардан 6 млрд. теңге сомасына 40 мың автокөлік сатып алыныпты. Ал, жаңа автокөлік алуға мүмкіндік беретін жеңілдік сертификатына 8 мың қазақстандық қол жеткізген. Бұл ретте, ескі автокөлік өткізуде алда тұрған – Оңтүстік Қазақстан облысы тұрғындары екенін айта кеткен жөн. Аталған көліктердің «орта жасы» 25-30 жылды құраса, ең ескісі 1942 жылы конвейерден түскен «Москвич» маркалы темір тұлпар екен.
Еліміздің түкпір-түкпірінен жиналған көліктер, өз кезегінде Қарағанды облысына жеткізіліп, қайта өңделеді.
Өз тілшімізден.